Va, Roberto, va, vola verso sta vittoria che tuti sen drio spetarse.
In te sti mesi ven vu' l'ocasion de conoserse…e son sicuro che te si la persona giusta par darghe
na svolta a sto' paese…
All'inizio pensee che te fusse un disel….ma me sbagliee parchè adess pense che te si un LANDINI…
Quei veci tratori che quando che te li à pinzadi no i se stusa pì, e i fa un gran casin…
(e anca un gran lavoro).
Daghe na man de novo a sto paese..cominzien na strada nova e fen le robe puito….
L'è ora de cambiar. Al grido di "Codognè libera"
Elisabetta Gardini, giunta quì a sostenere il candidato sindaco per la lista n1 "Uniti per Codognè", roberto bet, ha spronato, ed invitato la gente numerosa presente, a votare per questo giovane emergente nella politica nazionionale, lontano dagli schemi imposti fin quì dalla sinistra
In tel capanon ven scominzià la campagna, e in tel capanon l'aven finida…
Adess basta racoglier i fruti che ven semenà e cambiar pagina, rinnovando l'impegno fatt co i eletori….
>Parchè el nostro dialeto l’è na bea lingua e bisognarie insegnarghelo ai fioi, prima de tut a casa e magari anca a scuola
Ho parlà co un poca de zent a riguardo dela pista ciclabile e questo l'è quel che i me ha ditt:"Lo capisse anca un mona che le piste ciclabili le vien inaugurade adess parchè se va a votar tra poc.."Un altra persona al bar me ha ditt:" Si le è bele e utili, però i podea almanco cavarghe i pai dea luce che in in mezo la strada..se un al va a sbaterghe adoss minimo al va a finir al pronto socorso.."Un residente de via xxx otobre:" I ne à rot le bale par quatro ani coi lavori de sta pista, che l'è costada un mucio de schei quando che bastea aver asfaltà al marciapie pardelà de la strada e se varia fatt prima e sparagnà na barca de schei".Dopo aver parlà co la zent..so ndà a veder co i me oci..parchè son abituà a far cussi. Ho l'abitudine de no crederghe a le ciacole e preferise crederghe a i me oci e ala me machina fotografica.Eco quà le foto dea pista ciclabile . Decide' voialtri se le è busie o se l'è la verità.Anca le rotonde le è bele e le serve a salvar vite.. quel che se desmenteghen l'è che chi che ha vu'l'idea de farle far in te tuta la provincia l'è statt al nostro Ministro Luca Zaia. Adess tuti i fa rotonde e i se ciapa al merito.Grazie Luca dele to idee inovative. Noialtri quà a Codognè te volen ben e aprezen el to lavoro.
>http://www.johnmirandaphoto.com/canyongallery.htm
Regalatevi una pausa…. con queste foto…
ta
(Cliccare sulle foto per ingrandirle)
Luca Zaia l'ha dita che " No l'è mai mort nisun qua da noialtri par aver magnà carne de porzel."
Quà i à apena fini' de coparlo e de "trasformarlo" in salsicce e soppressa, salami e muset… Che bon che l'è el muset col purè…hmmmm..
Tegnen vive le nostre tradission… che le è quee che le ne liga al nostro passato de contadini che a savù superar tante dificoltà…
Ch'io che al marti no ghe piase ndar al marcà?
I ha cercà de spostarlo, de cambiarlo, de moverlo, ma lu' el marcà l'e restà dove che el iera.
L'è un marcà diverso da che altri parche' el passa
proprio in mezo alla piassa e penso che el sia
un dei pochi restadi….fati in te sta maniera
Si…se te lo varda ben a l'è proprio un bel marca'!
L'è sempre bel
la sera tardi de istà o come adess in magio
farse na caminada in te un pra vizin de casa e vardar le stele.
Le lucciole le te impinza la serata
e i grilli i canta cussi ben che te staria a ascoltarli anca tuta la nott.
Co l'è ora de tornar a casa par che ndar in let
me par quasi che dormir sia temp buta via.
L'ha fatt un sito http://www.votabet.it/ e un indirizzo e-mail Betsindaco@gmail.com
Me sembra che el sia su la bona strada par farghe capir ala zent che l'è veramente a disposizion de tuti e che nol se sconde drio ai so impegni o al so lavoro de avocato.
Si va ben a l'è zoven ma se no ghe den spazio a lori come pretendene de cambiar le robe in paese?
Mi vote Bet… se no altro par darghe na posibilità de farse e de farme veder quel che el sa far e sel mantien le promese e i impegni che l'ha ciapà in campagna eletoral…
O pena savu' che i asili de Codognè i è sempre in rosso…ghe manca sempre chei diese, vintimila euro par far na pata…
Queste quà si che le è robe che me fa veramente girar i cosideti…parchè chi eo che sa spiegarme come mai che se pol spender milioni de euro par na strada che no serve a un cavolo e no i a' i schei par mantegner vivo un o do asili che i è la risorsa vera de una comnunità..
Mi me vergogne, ma dovarissi versognarse tuti, se sten un momento a pensar, che sen noialtri i veri resposabili de ste situazion assurde. L'è solche un fato de darghe la priorità a na roba inveze che a un'altra…ma purtropo in te sti ani difizili aven smarì el senso dee robe semplici e fate ben…
Peccà sol che a pagar el prezo sia proprio lori…i boce
…
Bisogna par forza meter dei limiti de sicureza
in tel paese…sia par quel che riguarda la
strada, che par quel che riguarda el dormir in
pase quando che se sera la porta de not.
In via xxxottobre che l'è un bel rettilineo longo,
a volte…massa spesso, se vede corer moto e
machine come se fosse un circuito de formula
uno.. No va ben…
De sera na volta se lasea la porta verta…..adess bisogna meter alarmi e grate de fero…bisognaria t
rovar na soluzion… Bet l'ha impostà la so campagna anca su la sicurezza… se el vinze son sicuro che
le robe le cambiarà in mejo
